Assalamualaikum Wr. Wb...!
Puji syukur lawan Tuhan YME kami ucapakan karna kita bisa batamuan di situs sadarhana ini, walaupun disini kadada nang pina istemewa tapi mudahan kawa jua maramiakan dunia maya nang tambah samakin heboh haja samakin hari ka hari
Shalawat lawan salam kita sampaikan jua kepada junjungan kita Nabi Muhammad SAW beserta keluarga sahabat dan kerabat baliau sampai ahir jaman.
Nang ngaran urang banjar tu mulai bahari baisian papikat sembuyan nang kuat yaitu \"WAJA SAMPAI KAPUTING\" artinya kuat tarus balalawasan sampai habis umurnya, nang papikat ini diwariskan oleh pahlawan dari kalsel pangeran Antasari nang lagi bahari berjuang malawan orang Balanda. Nang papikat itu wayah ini dipakai urang sagai bagawian sahari-hari baik dipamarintahan saparti mambangun kota dan desa maupun bagawian mancari napkah anak bini supaya manambah samangat.
Mun wayah ini kada kaya bahari lagi, banyak banar parubahannya sasuai kaadaan jaman nang samakin maju, baik di kota atawa di desa kada jauh babeda. Ekonomi dan pandidikan jua samakin bakambang, nang dahulu baisian sapida wayah ini banyak baisian sapidamotor, lawan motor napang kada kawa nukar kontan inya mangaridit han.
Nang ngran dunia internet salawas ini jua makin maju haja, nang ini salawas bahahapian sakalinya kawa jua dipakai sagai bai\'internetan, bah rame banar sakalinya, inya disitu kawa jua bacecetingan, bafecebookan,kirim-kiriman surat nang capat melalui email, jua kawa dipakai mandownload lagu, game, gambar lawan vidio. Selain itu jua kawa capat mangatahui habar barita nang dimana-mana.
Nang jahatnya ni internet itu bisa disalahgunakan orang nang kada baek, contohnya bisa mamajang nang babau porno, baik gambar maupun vidio, maka nang itu pinanya banyak nang katuju, ada situs nang mamasang nangitu balalu kabaahan pangunjung ha situsnya, mun nang mambuka umur nang sudah 20 tahun kaatas kurang labih lah, nang ini kadang kakanakan-kakanakan umpat jua, umai babahaya nang ae, generasi kita bakal kada baik jadinya...mai kayapa lah kada kawa ae lah..mun nang kaitu te sudah.
Malalui situs ini kami handak jua babagi lawan pian-pian barataan, apa nang ada silahkan haja dinikmati anggap haja ampun saurang, juga silahkan memberi komentar-komentar serta tambahan file pada ruangan-ruangan yang kami sudah sediakan.
Nah sakiranya sampai disini dahulu pamanderan kami mudahan ada guna dan manfaatnya sagan kita barataan, mohon maaf atas segala kekurangan, wallahu maufiq wa aqamuttaarik wassalamualaikum wr.wb.
SAKILAS PAMANDERAN
